المنتدى للقراءة فقط. تم نقل المنتدى إلى حراج السيارات.

كامري 2017

تقييم إيجابي 2 تقييم سلبي 0
بلغ سلامي 12
قبل 9 سنه و شهر



سلام عليكم، بنشر معي كفر امامي يسار وتكسرت بطانة الرفرف ويوم جيت اركب السبير لقيت سلك مقطوع
وولعت لمبات الطبلون مثل م انتم شايفين . 

اللمبات /
1- حساس الكفر
2- مانع الانزلاق
3- ABS
4- لمبة سحبت الجلنط


والسيارة بعدها مع المطبات والحفر كنها متهربد الموتر ؟











الردود


شكلك ماكل لك حفرة جامدة
اول شي الله يعوض عليك
ثاني شي اذا ماكل لك حفرية بلغ البلدية وتاخذ تعويض ان شاء الله
بالنسبة للسيارة انقطع معك سلك ABS فطلع معك ذي اللمبات
شيك على السيارة وشف الاضرار

تقييم إيجابي 2 تقييم سلبي 0
3llawi96 3118
قبل 9 سنه و شهر



^^ كلام سليم هذا حساس abs ولع بالنسبة للمبة الفرامل حق الجلنط ماتروح شيك على زيت الفرامل احتمال في لي جاه شي وبدا يهرب 

لمبة الكفرات من قوة الضربة احتمال خرب اللي بالجنط جرب عبه هوا وافصل البطارية واشبكها 

تقييم إيجابي 1 تقييم سلبي 1
benz lover -78
قبل 9 سنه و شهر



بنز لوفر
لمبة الفرامل تولع مع لمبةabs
بالنسبه لصاحب الموضوع
ركب السلك حق abs وتطفي اللمبات الباقيه
لانها مرتبطه مع بعض اي خلل واحد منهم تولع
كل اللمبات الي ذكرتها ويمكن تحتاج برمجه بعد التركيب

بالنسبه لعلامة الكفر انت مركب الاسبير عشان كذا
مولع عندك حسب علمي ان الاسبير مافيه حساس
ويمكن حتى بعد ماتركب الكفر الي انفجر
ماتروح اللمبه تحتاج برمجه بسيطه واذا ماراحت العلامه
يعني الحساس خرب لان حساس الكفر بسرعه يخرب مايطول
حتى تلاحظ دائما السيارات الامريكيه مولعه فيه لمبة الكفر

تقييم إيجابي 0 تقييم سلبي 0
d7ooom777 391
قبل 9 سنه و شهر



سلك ABs انقطع اجرحه وتربطه تطفئ المبات ولمبت الكفرات متطفي الا تصلح الكفر الاسبير لان الاسبير فيه حساس

تقييم إيجابي 2 تقييم سلبي 0
2alool 31
قبل 9 سنه و شهر



المطلوب منك الان .. تصلح السلك المقطوع وهو بيطفي كل اللمبات الا لمبة ان الكفر هواه ناقص هذي تشتري حساس الضغط للكفر سعره رخيص .. كل اللمبات اللي اشتغلت بتروح ب 100-150 ريال بس
طبعا كلامي عن تجربة في سيارتين
بالتوفيق

تقييم إيجابي 0 تقييم سلبي 0
its_o_o 471
قبل 9 سنه و شهر



ترى ذكر بالموضوع انه يحس انها متهربده
علشان كذا قلت يشيك على السيارة
لو ماذكر كان تغيير سلك الحساس حق ABS وحساس الكفر نفع

تقييم إيجابي 0 تقييم سلبي 0
3llawi96 3118
قبل 9 سنه و شهر



هل الاسبير اذا ناقص هواه تولع لمبة الحساس

تقييم إيجابي 0 تقييم سلبي 0
ابونواف5352
قبل 7 سنه و 2 شهر